Xalqaro akkreditatsiya va reytinglar bilan ishlash bo‘limi universitetning xalqaro nufuzi va raqobatbardoshligini oshirish, ta’lim va boshqaruv jarayonlarini xalqaro standartlarga muvofiq takomillashtirish, xalqaro akkreditatsiya jarayonlarini muvofiqlashtirish hamda nufuzli xalqaro reytinglarda universitet pozitsiyalarini yaxshilashga qaratilgan faoliyatni amalga oshiradi.
Bo‘lim QS, Times Higher Education (THE), Round University Ranking (RUR), UI GreenMetric va boshqa xalqaro reyting tashkilotlarining metodologiya va indikatorlarini o‘rganish, reytinglar uchun zarur ma’lumotlarni shakllantirish va tahlil qilish, universitetning akademik va xalqaro nufuzini oshirish, ilmiy faoliyat ko‘rsatkichlarini monitoring qilish hamda tegishli tarkibiy bo‘linmalar faoliyatini muvofiqlashtirish bilan shug‘ullanadi.
Shuningdek, bo‘lim BMTning Barqaror rivojlanish maqsadlari (SDGs), THE Impact Rankings va «Yashil universitet» tamoyillarini universitet faoliyatiga tizimli joriy etish, xalqaro akkreditatsiya talablariga muvofiq tayyorgarlik ishlarini tashkil etish, universitetning xalqaro imiji va brendini mustahkamlash hamda ilg‘or xorijiy tajribalarni o‘rganish va amaliyotga tatbiq etishda ishtirok etadi.
Bo‘lim faoliyati universitetning xalqaro maydondagi tan olinishini kengaytirish, reyting va akkreditatsiya ko‘rsatkichlarida barqaror ijobiy dinamikani ta’minlash hamda universitetning global ta’lim va ilmiy makondagi mavqeini izchil mustahkamlashga xizmat qiladi.
Termiz davlat universitetida xalqaro reytinglar bilan tizimli ishlash yo‘lga qo‘yildi. O‘zbekiston Respublikasi Prezidentining 2023-yil 11-sentabrdagi PF-158-son Farmoniga muvofiq, “O‘zbekiston – 2030” strategiyasi doirasida belgilangan respublikamizning 10 ta oliy taʼlim muassasasini dunyoning eng nufuzli “Top – 1000” oliy ta’lim tashkilotlari reytingiga kiritish maqsadida Termiz davlat universiteti keng qamrovli strategik ishlarni yo‘lga qo‘ydi.
Universitet xalqaro maydondagi nufuzini oshirish maqsadida quyidagi reyting tizimlari bilan faol ishlamoqda:
Times Higher Education (THE)
QS Quacquarelli Symonds
UI GreenMetric
Round University Ranking (RUR)
Center for World University Rankings (CWUR)
Higher Education Ranking (HE)
Scimago Institutions Rankings (SIR)
AD Scientific Index (AD)
Webometrics
UniRank
Shuningdek, universitet xalqaro reytinglar metodologiyasi va sifat standartlarini ishlab chiqish bilan shug‘ullanuvchi IREG Observatory on Academic Ranking and Excellence tashkiloti tavsiyalarini inobatga olgan holda faoliyat yuritmoqda.
